بعد 10 أيام عن الحادث الأليم الذي جد بمنطقة عين السنوسي من ولاية باجة وأدى إلى وفاة 29 شابا وشابة في عمر الزهور، إلتأمت جراح عدد من المصابين في ذات الحادث وتذكّروا أصدقاءهم الذين كانوا برفقتهم. أميمة، ناجية من حادث الحافلة ترثي صديقتها بكلمات مؤثرة أميمة إحدى الناجيات من الحادث رثت عبر صفحتها بالفيس بوك صديقتها التي كانت برفقتها لكن وافتها المنية تاركة تفاصيل لحظاتها الأخيرة في ذاكرة صديقتها. "في صبحيّة كرّت عليا للات البيّة باش نخرج معاها في رحلة نبدلو بيها الروتين و نخرجو من الجوجمة و الجو الرزين ، قمت فوق من قلبي ما كنتش حابّة أما عطيت كلمتي لصحابي و لازمني نكون حاضرة ، حضرت الساك و الماكلة و شديت الثنيّة و عرضتني للاّ البيّة تحمل و تبوس فيّا .. " -وينك يا فرخة ها الغيبة " " -يا أختي الدنيا عاكسة و ولاّت صعيبة" نهرّو نهرّو لين وصلنا للبلاصة طلعنا في الكار و ركبنا من قدام خاطر خواطري فيسع ما تدور و تولي ردان ، حملتني و تكات عليا ّ قتلها شنوّة بديناها من أوّل الثنية ؟ قتلي راني مصبحة و ماجانيش النوم قتلها خوذ راحتك المفيد بعد قوم نسمع في صياح و تكبير يا أختي شنوة إلي قاعد يصير ؟ بعد نشوف كان في الكار تطير غمظت عيني و شهدت و قلت الي باش يصير خلي يصير فقت بعد مدة نشوف في برشا عباد و نلوج عليك بعينيا أكيد هي مازالت معايا حيّة وينك طلّ عليا راو الثنية مازالت طويلة وينك ؟ موش كنت قاعدة حذايا هاك مافماش ؟ و صوتك ما علاش زعما دايخة موش تسمع فيا ؟ راو الدنيا ظلامت في عينيا و مانيش قاعدة نرى نسمع في عباد يبكيو و مرى كبيرة تواسي فيا .. وينك جاوبني نعرفك قويّة .. نعرف الي شيء ما يهدنا كان ربي و رضاية الوالدين ، قعدت نستنى فيك باش تقلي انتي وين لين جاني خبرك و قالولي راو ماتت تمنيت انا نهبطك في قبرك و ندفنك انا و خواتك .. أنا ليوم في عمري جمعة و نهار اما باش نعيشهم معاك حتى و انتي ميتة ..???إنشاء الله مثواك الجنة قدر الله و ما شاء فعل و الحمد لله على العمر الجديد"
