اصدرت مجموعة الافريقي افريكان وينارز مساء اليوم اغنية بعنوان يا حياتنا وتروي القصة الوضعية الصعبة للشباب التونسي واولاد الفيراج في مواجهة الفاسدين Paroles : يا جدادنا ... جينا لحفرة سماوهالنا بلادنا حفرة ما نعيشو فيها كيما أندادنا نحبو نخليو عيشة هانية لأولادنا يعيشو غرامهم في الفيراج كيما عبادنا حسدونا ... كمشة جبورة يحبو يجيبوها أسيادنا حسدونا في غرامنا و هلكولنا ستادنا يحبو يقاومونا و ماعرفوش عنادنا فيراج نحاربو عليه و نفكو بلادنا يا حياتنا ... عيشتنا الي خترناها هذي حياتنا هذي دنيتنا الي فيها حكاياتنا هوني الڨرحة هوني نحاربو على خواتنا ولي ماتو ديما عايشين بيناتنا غناياتنا ... على الإفريقي و الربحة إلي زهاتنا على الحريو و البلاد إلي نساتنا على المظلومين و الدولة إلي خلاتنا و على الحق إلي يبقى رقبة بيناتنا و الحالة ...
سرقة و غورة وهوما يحبو الحصانة في كل دورة الحاكم رشوة و جعالة شحال من حومة عايشة تهميش و بطالة ناس مقهورة صارت زطلة و سكارى مولانا ... الحرام يطيح فيكم يوم القيامة في الشعب يصيح البلاد صارت جبانة(مقبرة) إلي يجيبها قبيح يروح يبعد ينسانا أسمع مليح لغة فيراج حذانا بعتوها ... نهبتو ملايين للبراني عطيتوها و رخيتو العين السرقة دعمتوها دخلتو ال 'كوكا' البلاد فزدتوها هججتو ناس للغربة لزيتوها خنفتونا ... في بابور اللوح ناس للحرقة رميتوها قداش من روح فالكار إلي قتلتوها طفلة صغيرة حتى الوديان هزوها Jamais ننسا كيما نتوما نسيتوها المنظومة... نكرهوكم الرحمة معاكم معدومة Jamais ننسى إلي ماتو في الكميونة لمّيمة خذات وليدها في كردونة حرام يموتو و تبقاو عايشين إنتوما نتمنى ... عمر ولد الفيراج إن شاء الله في الجنة ندعيولو بالرحمة فقبرو يتهنى بلاد غبينة ماعندك ما تستنى نجيبو حقو لآخر دقيقة عندنا يا القاضي ... طالبين الحق ملّينا الكلام الفاضي آخرتها موت بحكم ربي راضي غير الCurva إلي تداوي ليا أمراضي نحاربو السيستام كيما درنا في الماضي يا العالي ... في الفيراج نبقى ندير إلي يحلالي غير الفوضى و نشجع ماعلابالي صوت المظلوم إلي ماعندو والي . Virage l7a9 Allez le9ri9i Allez 💪
